KHADIJA KOPA KUANZISHA KUNDI LAKE LA TAARAB?

KUNA habari kuwa, mwimbaji nyota wa muziki wa taarab hapa nchini, Khadija Omar Kopa, anafanya mipango ya kuanzisha kikundi chake cha muziki huo.

Habari za uhakika kutoka kwa watu wa karibu na msanii huyo zimeeleza kuwa, tayari Khadija ameshaagiza vyombo vipya vya muziki kutoka China.

Kwa mujibu wa habari hizo, vyombo hivyo vinatarajiwa kutua nchini wakati wowote kabla ya kundi hilo kuingia kambini kwa lengo la kuandaa nyimbo mpya.

Kwa sasa, Khadija ni mwimbaji na Mkurugenzi Msaidizi wa kikundi cha sanaa za maonyesho cha Tanzania One Theatre (TOT).

Mbali na kuwa msanii wa TOT, Khadija pia amekuwa akirekodi nyimbo zake binafsi na kufanya maonyesho kwa kujitegemea.